Plantun de Prouvènço

Pèr coumpara dos planto d'encò nostre

Trifolium pallescens & Grimmia orbicularis

Trifolium pallescens

Fabaceae Leguminosae

Noms en français : Trèfle pâle, Trèfle pâlissant.

Descripcioun :
Aquéu treulet que reballo au sòu, trachis en mountagno dins li pelouso bèn au soulèu. A quàsi pas de péu (quàuquis un sus lou pecou e lou "calice" de la flour). L'enflourejado, roso palinello, fai de 15 à 25 mm, èi pourtado pèr un pecou bèn mai long que la fueio proche, alor que la flour fai de 6 à 12 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trifolium
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) enflourejado : 1 à 2 cm
Flourido : Estiéu

Sòu : Ca
Autour basso e auto : 1600 à 2700 m
Aparado : Noun
Juliet à setèmbre

Liò : Pelouso - Roucas
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Trifolium pallescens Schreb., 1804

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.